Хамгийн эхний мэдээлэл бол 1-р сарын 14-нд (манай цагаар 14-ний шөнө) танилцуулна гэж байгаа.
14-нд танилцуулаад 22-нд дэлхий даяар худалдаалж эхлэх бөгөөд Энэтхэгт харин 29-нд худалдаанд гарах юм байна.
Galaxy S21, S21 Plus, S21 Ultra гэсэн гурван загвар гарах бөгөөд, өмнөх загваруудтай адил Plus болон Ultra загвар илүү үнэтэй, илүү өндөр үзүүлэлттэй байна.
Загварын хувьд 2020-2021 оны тренд болсон асар том товгор камер агуулна.
Galaxy S21-ийн алдагдсан рендэр зургууд
Phantom Violet, Phantom Gray, Phantom White, Phantom Pink гэсэн дөрвөн өнгөний сонголттой. Ар таг нь хуванцар материалтай бөгөөд Phantom Violet, Phantom Pink өнгөтэй загваруудын камерын товгор нь зэс хүрээтэй өнгөтэй аж.
Galaxy S21 Plus алдагдсан рендэр зургууд
Энгийн S21-с бараг ялгагдахгүй ч гэсэн 4 биш 3 өнгөний сонголттой, хэмжээгээр арай том, мөн ар тал нь шилэн байх нь.
Galaxy S21 Ultra алдагдсан рендэр зургууд
Хамгийн өндөр үзүүлэлттэй энэхүү загвар харахад л "нүд"-ний тоогоор илүүрхээд ялгагдахаар болж. Нөгөө хоёроос ялгаатай нь Ултра маань дэлгэцийн зах хэсэг нумарсан загвартай юм байна. Самсунгийн хувьд анх удаа гэж хэлж болох нэг юм гэвэл Ултра загварын дэлгэц QHD+ нягтаршилтайгаар 120Гц дээр ажиллах боломжтой гэжээ.
Ойлгомжтой олон улсад Exynos 2100, АНУ-д Snapdragon 888 чипсеттэй худалдаанд гарна.
Мемори картны оролтгүй гэсэн шуум яваад байгаа, бараг л үнэн байх.
Бүх загвар ижилхэн 25W USB Power deliver 3.0 түргэн цэнэглэх технологитой. S21 - 4000mAh, S21 Plus - 4800mAh, S21 Ultra - 5000mAh баттерэйтэй.
Алимыг цэнэглэчгүй гээд шоолоод байсан Самсунгийн S21 цуврал ихэнх улсад ЦЭНЭГЛЭГЧГҮЙ худалдаалахаар болж дээ.
Үнэ ханшийн хувьд бас л чанга эхэлж байна.
Samsung Galaxy S21 - 128GB: €849, 256GB: €899
Samsung Galaxy S21 Plus - 128GB: €1,049, 256GB: €1,099
Samsung Galaxy S21 Ultra - 128GB: €1,349, 256GB: €1,399, 512GB: €1,529
Андроид 11 суурьтай OneUI 3.1 системтэй ирнэ.
Самсунг мөн Note цувралыг хаяхаар шийдэж байгаа, харин S Ultra загварт нэмж худалдаж авч болохоор балтай кэйс худалдаалж эхлэх аж.
Comments
Post a Comment