Made by Google

Өнгөрсөн шөнө Google-ээс Made by Google үйл ажиллагаа болсон билээ. Энэхүү үйл ажиллагаагаар Гүүглэ өөрсдийн шинэ технологи, шинэ гэсэн бүхнийгээ танилцуулсан.
Үүнд:
- Google Pixel болон Pixel XL гэх хоёр гар утас.
- Daydream VR Box.
- Google Home
- Google Wifi
- Chromecast Ultra гэх төхөөрөмжүүд байна.
Google Pixel, Pixel XL утаснуудын хувьд Nexus цуврал төгсөж, шинээр зах зээлд гарч буй утаснууд юм.

Үзүүлэлтийн хувьд яг ижил бөгөөд Pixel XL загвар нь арай том дэлгэц, арай том баттерэйтэй байх юм.

Үнийн хувьд
Pixel (32 GB) - 649$
Pixel (128 GB) - 749$
Pixel XL (32 GB) - 769$
Pixel XL (128 GB) - 869$ байна.
Миний хувьд бол нэлээн үнэтэй санагдсан. Ар тал доод хэсгээр металл, дээд хэсгээр шилэн гадартай бөгөөд гурван өнгөний сонголттой байна.

Гүүглэ-с гаргаж буй гэрийн хувьд хүссэн зургаа хэвлүүлээд авах бүрэн боломжтой.

Шинэ утсаа асаагаад хуучин утаснаасаа холбох кабелийн тусламжтайгаар зурган дээр тодорхойлсон мэдээллүүдийг хуулаад авах боломжтой болсон байна.

Google Photos аппыг ашиглаж бүх зураг, бичлэгээ хадгалах боломжтой бөгөөд бусад үүлэн тооцоооллуудад байдгаас ялгаатай нь Pixel утсыг хэрэглэгчдэд зураг, бичлэгийн чанарыг бууруулахгүйгээр хязгааргүй хэмжээнд хадгалах эрхийг өгсөн.

Дахиж багтаамж дүүрэх асуудалгүй гэж хэлэх үедээ iPhone-ий багтаамж дүүрэхэд гардаг Pop-up ашиглаж хөөрхөн эсрэг пи-ар хийчихсэн шүү.

Daydream VR Box надад их таалагдсан.

Гадар нь хуванцар биш даавуугаар бүрсэн, их хөнгөн гэж байсан. 

Мөн нэмэлт удирдлагатай учир тоглох, нэг аппаас нөгөө рүү шилжихэд маш амар.

Удирдлага нь Wii тоглоомын удирдлага шиг хаашаа хөдөлгөж, чиглүүлж байгааг маш сайн мэдэрнэ.

Мөн Google Play Movies, Photos, Street view, Youtube аппуудыг Daydream-ээр ашиглах бүрэн боломжтой (эсвэл болгоно гэсэн байх).

Daydream VR Box нь мөн гурван өнгөний сонголттой.

11-р сараас худалдаанд гарна.

Google Home бол ирээдүйн эд дээ.

Гэртээ орж ирээд л "Ok Google, play music" гэхэд л хөгжим тоглуулчихна, асуулт асуухад хариулчихна, онигоо яриад өгчихнө, календарь дээр өдөр товлох бол хэлэхэд л болчихно, гэрт байгаа бусад холбогдсон төхөөрөмжүүдийг удирдана. Ганц харамсалтай юм нь бүгдийг Англиар хэлнэ, Монгол хэлийг ойлгодог болтол ч удах байх даа.

Доод суурийг нь салгаад солиод байж болно хэрвээ өнгөнөөс нь уйдвал.

Зургаан өөр суурь авах боломжтой бөгөөд хагас жилийн турш YoutubeRed (элдэв реклам, хязгаарлалт байхгүй) үнэгүй ашиглах эрхтэй.

Зурагтандаа Chromecast залгачихаад үүгээрээ удирдаад байж бас болно, мөн л товч дарахгүй, зурагтын удирдлага хайхгүй, Ок Гүүглэ гээд л хэлэхээ хэлчихнэ. Chromecast-ын хийж чадах бүхнийг удирдаж болно.

Үнийн хувьд хийж чадах зүйлтэй нь харьцуулвал боломжийн санагдсан шүү.

Chromecast Ultra бол энгийн зурагтыг ухаалаг болгох төхөөрөмж юм. HDMI холболтоор зурагтад холбогдчихно, зурагтыг өөр түвшинд аваачдаг эд дээ. 69$-н үнэтэй.

Google Wifi нь нэг төрлийн рүүтэр бөгөөд утсан дээрх аппаар рүүтрээ удирдахад (хэдэн хэрэглэгч холбогдох, хэрэглэгчийн хурдыг хязгаарлах гэх мэт) маш хялбар. Том гэрийн зарим булан тохойд Wifi тасалдаад байдаг бол олноор нь аваад ашиглаж болно, гэрийн аль ч буланд Wifi чөлөөтэй орвол бас л нэг асуудал байхгүй болно шүү дээ.